Málverk - Jón Ingi Sigurmundsson - Vefgallerí

Jón Ingi Sigurmundsson er fæddur 8. maí 1934 á Eyrarbakka og er uppalinn þar.

Hann lauk kennaraprófi og tónmenntakennaraprófi 1954 og hefur verið búsettur á Selfossi frá því að hann hóf kennslustörf þar 1954. Fyrstu árin sem kennari við Barna- og Miðskólann á Selfossi ásamt kennslu í píanóleik og tónfræði við Tónlistarskóla Árnessýslu, síðar sem aðstoðarskólastjóri og skólastjóri við Gagnfræðaskólann – Sólvallaskóla.

Jón Ingi var skólastjóri Tónlistarskóla Árnessýslu 1968-1971 og hefur starfað ásamt almennri kennslu, nær óslitið við tónlistarkennslu, m.a. verið stjórnandi Stúlknakórs Gagnfræðaskólans á Selfossi og Kórs Fjölbrautaskóla Suðurlands.

Jón Ingi stundaði framhaldsnám í Kaupmannahöfn 1958-59 og 1971-72.

Fyrsti kennari hans í myndlist var Jóhann Briem. Jón Ingi er félagi í Myndlistarfélagi Árnessýslu og hefur sótt mörg námskeið í myndlist m.a. hjá Ólafi Th. Ólafssyni, Elísabet Harðardóttur, Svövu Sigríði Gestsdóttur, Hildi Hákonardóttur, Guðrúnu Svövu Sigurðardóttur og Katrínu Briem. Jón Ingi hefur einnig stundað myndlistarnám hjá Ulrik Hoff í Kaupmannahöfn og hjá Ron Ranson í Englandi.

Jón Ingi hefur tekið þátt í mörgum samsýningum og haldið 22 einkasýningar m.a. á Selfossi, Eyrarbakka, í Eden Hveragerði, Gömlu-Borg, Þrastarlundi, Akureyri og í Horsens í Danmörku.
Jón Ingi hefur aðallega unnið með olíu, pastel og vatnsliti.

Fjöldi mynda Jóns Inga er í eigu einkaaðila, auk ýmissa fyrirtækja og stofnana m.a. Listasafns Árnessýslu og Landsbanka Íslands



Opnun sýningar í Eden 19. maí kl.20.30
Í kvöld, fimmtudaginn 19. maí, opna ég málverkasýningu í Eden í Hveragerði. Er jafnframt með sýningu áfram í Gallerí Gónhól á Eyrarbakka út maí mánuð. Þar er opið laugardaga og sunnudaga kl.13.00-17.00 Í Eden eru að mestu leyti nýjar myndir og stendur sú sýning til 13. júní, sem er annar í Hvítasunni. Í Eden er opið alla daga. Nýir aðilar hafa tekið við rekstri í Eden og hafa gert miklar endurbætur svo staðurinn er nú mjög vistlegur og aðlaðandi
lesa meira...


Menningarviðurkenning Árborgar
Á hátíðardagskrá á Hótel Selfossi föstudaginn 13. maí var mér veitt menningarviðurkenning Árborgar fyrir myndlist. Það voru þeir Kjartan Björnsson, formaður menningarnefndar, og Eyþór Arnalds, formaður bæjarráðs, sem afhentu mér fallegan áletraðan verðlaunagrip og blómvönd.
lesa meira...


12. maí- Hátíðarsamkoma í Gónhól
Ú r dagskrá menningarnefndar fyrir dagana 12.-15.maí-Vor í Árborg : Kl.20.30 Gallerý Gónhóll - málverkasýning Jóns Inga- tónleikar. Hátíðarsamkoma til heiðurs Jóni Inga Sigurmundssyni, listmálara og tónlistarkennara. Karen Dröfn Hafþórsdóttir ásamt undirleikaranum Önnu Rún Atladóttur syngur, sem og systkynin Edda Karen og Janus Bjarki Birgisbörn. Kaffihúsið og krambúðin opin
lesa meira...


Sýning í Gallerí Gónhól
Sunnudaginn 1. maí kl.14.00 opna ég málverkasýningu í Gallerí Gónhól á Eyrarbakka. Að þessu sinni verður sýningin á tveimur stöðum, í Gallerí Gónhól frá 1. 15. maí, en í Eden í Hveragerði frá 19. maí til 13. júní. Í tilefni af hátíðinni Vor í Árborg verður haldin opnunarhátíð í Gónhól fimmtudaginn 12. maí. Þar verða tónlistaratriði, ávörp og kaffi. Myndefnið á sýningunni er margvíslegt, landslag, götumyndir, blóm og abstraktmálverk. Síðasti sýningardagur í Gónhól verður sunnudaginn 15. maí, en opnað í Eden 19. maí, þá e.t.v. með breyttu myndavali. Sýnishorn af nýjum myndum má sjá hér á vefnum
lesa meira...